初初升上大學嗰陣，喺一個迎生營入面識咗個同學仔，佢叫阿晴。
好多人岩岩參加呢啲活動都好怕羞，唔係好點出聲，但佢就唔同，不但好主動講嘢同投入遊戲，仲會好照顧身邊嘅人，不論係男定係女。
即使佢係女仔，但同佢相處好舒服，好有安全感。由於佢真係太好人，所以你就算同佢玩得好埋，都唔會惹到身邊嘅人講你是非傳你緋聞。而且佢仲係一個好有音樂才華嘅人，每一晚都會拎住結他唱歌比我地聽，嗰陣好多男同學仔暗地裡將佢封為第一女神，而班女仔不但對佢無討厭感覺，仲同佢好玩得。
「我以前吸過毒，落過仔。」有一晚我同阿晴坐喺公園傾計飲酒時，佢同我講。
當時嘅我好驚訝，估唔到佢以前係一個mk妹，仲要有咁嘅背景，但點解佢都可以升到上嚟？
(點擊看全文)
Search